తెలంగాణ ముఖ్యమంత్రి రేవంత్ రెడ్డికి సొంత పార్టీ శాసనసభ్యుడు కోమటిరెడ్డి రాజగోపాల్ రెడ్డి గట్టి ఝలక్ ఇచ్చారు. పదేళ్లపాటు నేనే ముఖ్యమంత్రి అంటూ రేవంత్ చేసిన వ్యాఖ్యలను తిప్పి కొట్టే విధంగా కోమటిరెడ్డి ఎక్స్ (ట్విట్టర్) వేదికగా స్పందించారు. పదేళ్లు నేనే ముఖ్యమంత్రి అని ప్రకటించుకోవడం, కాంగ్రెస్ పార్టీ విధానాలకు పూర్తి వ్యతిరేకమని రాజగోపాల్ రెడ్డి అన్నారు. జాతీయ పార్టీ అయినా కాంగ్రెస్లో పార్టీ అధిష్టానం ఆదేశాల మేరకు ప్రజాస్వామ్య బద్దంగా ముఖ్యమంత్రి ఎన్నిక ఉంటుందని గుర్తు చేశారు. తెలంగాణ కాంగ్రెస్ ను వ్యక్తిగత సామ్రాజ్యంగా మార్చుకునే ప్రయత్నాలను నికార్సైన కాంగ్రెస్ కార్యకర్తలు, నాయకులు సహించరని తెలిపారు. పాలమూరు బహిరంగ సభలో రేవంత్ రెడ్డి మాట్లాడుతూ 2034 వరకు ఇంకో పదేళ్లపాటు పాలమూరు బిడ్డనే ముఖ్యమంత్రిగా ఉంటారని, పదేళ్లుగా పెండింగ్ ఉన్న సాగునీటి ప్రాజెక్టులు పూర్తి చేసే బాధ్యత తీసుకుంటానని పేర్కొన్నారు. అయితే రేవంత్ వ్యాఖ్యలను కోమటిరెడ్డి తీవ్రంగా తప్పు పట్టారు. తనకు తానే పదేళ్లపాటు ముఖ్యమంత్రిని ఎలా ప్రకటించుకుంటారనిఆయన ప్రశ్నించారు. ప్రస్తుతం రాజగోపాల్ రెడ్డి వ్యాఖ్యలు హాట్ టాపిక్ గా మారాయి.
.jpeg)
